Kumpulan Lirik Lagu Sunda

Dua Sa-ati

Waktu kuring panggih, jeung manéhna
Haté leutik nyarita, aduh manisna
Waktu kuring wawuh, aduh bagjana
Haté nganteur manéhna, aduh éndahna

Babarengan, sauyunan,silih asih saati mihéman
Paheut jangji moal pukah deui
Unggal sabtu soré datang kamanéhna

Waktu kuring wakca kamanéhna
Résmi ngajak tunangan, paheut micinta
Ukur rangkul trésna pikeun jawabna
Kuring eujung manéhna, hiji sa-ati

Waktu kuring panggih, jeung manéhna
Haté leutik nyarita, naon maksudna
Waktu kuring wawuh, aduh dagdigdug
Naha neda mi-asih, aduh can puguh

Babarengan, sauyunan, silih asih
Sapeuting ngahiji, sabtu soré
Sok tagiwur haté, sok ngareup ngareup datang,
tandaning satia

Waktu kedal ucap timanéhna
Ketruk kurasa bagja aduh bungahna
Cipanon kabungah pikeun saksina
Kuring nampa cintana henteu nyalahan
Kuring nampa cintana henteu nyalahan

Bagja jeung Cinta
Biru laut, biru langit
Biru harepan urang
Puith rasa,putih ati
Putih ka asih urang

Biru lambang, pangjugjugan
Biru kahayang urang
Putih rasa, nu saéstu
Putih ka asih urang

Urang nu ngalakonan
Urang nu satujuan
Naratas bagja jeung cinta
Najan loba halangan, najan loba rintangan
Kamelang nganteur marengan

Lambey kayas, beureum damis
Kareueut émut manis
Ngalangkangan cinta urang
Langgeng abadi ngahiji

Mojang Priangan

Angkat ngagandeuang,
Bangun taya karingrang,
Nganggo sinjang dilamban,
Mojang Priangan.

Umat imut lucu,
Sura seuri-na nyari,
Larak-lirik keupat
Mojang Priangan.

Diraksukan kabaya,
Nambihan cahayana,
Dangdosan sederhana,
Mojang Priyangan.

Mojang anu donto
Matak sono nu nempo,
Mun tepung sono k
Mojang Priangan.

Gareulis maranis
Disinjang lalenjang
Éstu surup nu némpo
Mojang Priangan …

Mojang priangan …
Mojang Priangaaan…….

 

Maribaya

Di Maribaya manéhna kungsi nyarita
Cenah asih ngarandakah jeung deudeuhna
Najan angin nu lirih leuih datangna
Arek langgeng manehna neundeun cintana
Di Maribaya manehna serah teuteupan
Nyukcruk nyuuh pasrah rénghap satekadan
Taya daya nu wasa mungpang karepna
Da sok inggis manehna pegat geugeutna

Mangka lisana cenah asih tingtrim diri
Nu saenyana puguh asih nyari panggih
Lana makalangan
Kuring leumpang dina jero pangimpian
Ku Maribaya manehna ngambang kabandang
Taya daya muka tresna saliwatan
Najan diri kaburu aya nuboga
Tapi tetep asih mah anu manehna

Mawar Bodas

Mapay jalan satapak
Ngajugjug ka hiji lembur
Henteu karasa capéna
Sabab aya nu ditéang

Hujan angin dor dar gelap
Henteu aya keur ngiuhan
Sanajan awak rancucut
Teu paduli kajeun teuing

Nu penting mah asal nepi
Ka tempat anu di tuju
Rek ngalongok mawar bodas
Nu moal lila ka ala
Sugan tea moal gagal
Kembang geus aya nu boga
Balik téh asa horéam leumpang gé asa ngalayang

Teu kasawang ti anggalna
Teu kapikir ti tadina
Lamun bakal nyeri haté
Hoream teu sudi teuing
Mikiran pipanyakiteun
Mikiran pipanyakiteun

 

Kalangkang

Mungguhing dina impénan
Geuning sakitu deudeuhna
Kanyaaah nu wening bersih
Satia jadi kakasih…

Mungguhing dina impénan
Geuning sakitu léahna
Pameunteu marahmay manis
Teu isin ..kaambung damis

Rambut panjang nu ngarumbay
Disangkéh panangan nyampay
Lalaunan raray tanggah
Rangkulan karaos pageuh

Luhur pasir tepung deudeuh
Perlambang asih nu mekar
Kabagjaan nu duaan…..nu duaan

Hanjakal ….hanjakal teuing
Endah ngan ukur kalangkang…
Harepan ……harepan …. diri
Sing nyanding jeung kanyataan

 

Kabogoh Jauh

Boga kabogoh jauh
Meuntas laut leuweung gunung
Tapi apél teu bingung
Cukup hallo na telepon

Kuring di pulau jawa
Manéhna pulau sumatera
Lamun malam mingguan
Mojok via SMS-an

Jelema palinter
Dunya beuki maju
Najan urang pajauh
Bisa ngobrol unggal waktu

Tiap SMS-an atawa nelepon
Teu jadi pikiran
Kajeun pulsa kabobolan
Nu penting mah bisa ngobrol jeung manehna

Boga kabogoh jauh
Meuntas laut leuweung gunung
Tapi apel teu bingung
Cukup hallo na telepon…..

Duriat

Dina haté kuring anjeun cicing
Dina haté anjeun kuring cicing
Bener-bener henteu bisa ngejat
Dibeungkeut ku tali duriat

Sanajan loba nu daratang
Pating kuriling neangan lawang
Pating kaletrok kana panto haté
Tapi ku urang teu dipaliré

Duriat teu bisa digantian ku rupa
Duriat teu bisa dihilian ku harta
Duriat teu bisa di aya-aya
Duriat datang na heunteu kapaksa

Dikotretkeun dina haté tidituna
Diguratkeun dina rasa tidituna
Dibuka di baca ku urang duaan
Di jaga di riksa pinuh rasa ka heman

 

Naha Kunaon

Naha kunaon
Ieu haté seseblakan
Naha kunaon,….. asa béda rarasaan
Rasa kangen, nyaliara jero dada
Boa boa ieu anu disebut cinta…

Naha kunaon,…. salira ka-emut baé
Naha kunaon,…. teu weléh nembongan waé
Siang wengi tumapel dina lamunan
Geter rasa sumanding pinuh kasmaran

Salira, béntang nu nenggang upami disawang
Endah nyongcolang
Rindu rasa rindu kalbu,
rindu harepan karaos…. rindu

Salira kembang malati, seungit nyambuang
Pinuh wawangi
Wening asih wening cinta
Wening harepan saleng salira

 

Sakur Ngimpi

Saprak anjeun ngaléos
Ngabeubeutkeun duriat
Hirup asa nunggeulis
Haté mararinggis

Saprak anjeun ninggalkeun
Ngararajéet cinta urang
Pikiran baluweng
Pinuh ku émutan

Sagala rasa kabawa anjeun
Saparo nyawo ngilu ka anjeun
Nikmati hirup leungit teu nyésa
Teuing kamana

**
Létah teu mirasa sagala karasa pait
Saré gulang guling hésé peureum

reff…

Kahayangmah ieu téh sakur ngimpi
Anu ngageuingkeun urang
Tina kasombongan diri

Kahayangmah waktu teh ngulang deui
Sabulan anu katukang
Basa silih keukeupan

Ngahelas kaleungitan
Ngoréjat seseblakan
Lieuk euweuh, lieuk euweuh
Ngagugulung lamunan

Ngarep-ngarep sakur ngimpi
Ngarep-ngarep anjeun datang
Tiap detik gé tatanya
Dimana anjeun

Leave a Reply

Your email address will not be published. Required fields are marked *