Kumpulan Lirik Benyamin S

“Nonton Bioskop (Malem Minggu)”

Malem minggu, aye pergi ke bioskop…
Bergandengan, ame pacar nonton koboi…
Beli karcis, tau tau keabisan…
Jaga gengsi, terpakse beli cabutan…

[Reff]
Aduh emak asiknye…
Nonton dua duaan, kaye nyonye dan tuan…
Di gedongan…

Mau beli minuman…
Kantong kosong glondangan, malu ame tunangan…
Kebingungan…

Film abis, terpakse aye nganterin…
Masuk kampung, kluar kampung kegelapan…
Spatu baru, baru aje dibeliin…
Dasar sial, pulang pulang nginjek gituan

 

“Ujan Gerimis”

Eh ujan gerimis aje
ikan teri di asinin
eh jangan menangis aje
yang pergi jangan di pikirin

Eh ujan gerimis aje
Ikan lele ada kumisnye
Eh jangan menangis aje
Kalo boleh cari gantinye

Mengapa ujan gerimis aje
Pergi berlayar ke tanjung cina
Mengapa adek menangis aje
Kalo memang jodo ngga kemana, hei hei

Eh ujan gerimis aje
Ikan bawal diasinin
Eh jangan menangis aje
Bulan syawal mau dikawinin

Mau dikawinin jangan nangis
Bepedak namanya
Yah, entar kaya celepuk dong

Mengapa ujan gerimis aje
Pergi berlayar ke tanjung cina
Mengapa adek menangis aje
Kalo memang jodo ngga kemana, hei hei

Jalan jalan ke menado
Jangan lupa membeli parang
Kalo niat mencari jodo
Cari yang hitam seperti saya

 

“Nangke Blande”

Janda mude romannye udah tue
lagak lagunye kaye perawan aje
Gandeng sana, sebentar gandeng sini
tapi sayangnye enggak ada yang jadi

Nangka blande matengnya kena paku
dimakan gajah giginya pada ngilu
ada jande lama enggak laku-laku
saban hari dia ngaca melulu

Nah tuh mangkanye
gua kate juga ape
jadi perempuan jangan suka menghine
kalo lelaki biar enggak ada mukanye
kantongnye tebel dikeput dapet lime

[Reff:]
Nangke blande
diencot-encot jande
jande enggak laku ketiban nangke lande
yang mane jande yang mane ikan pede
gua perhatiin dua-duanye same

 

“Kompor Meleduk”

Aah….! Nya’ banjir!

Jakarta kebanjiran, di Bogor angin ngamuk
Ruméh ané kebakaran garé-garé kompor mleduk
Ané jadi gemeteran, wara-wiri keserimpet
Rumah ané kebanjiran gara-gara got mampet

Aa~ti-ati kompor meledug
Aa~ti ané jadi dag-dig-dug (heh.. jatuh duduk)
Aa~yo-ayo bersihin got
Jaa~ngan takut badan blépot

Coba enéng jangan ribut, jangan padé kalang kabut

Leave a Reply

Your email address will not be published. Required fields are marked *